2011年8月8日
北海道中央巴士- 高速しゃこたん号 [ 神威岬 13:46 ...... 日司 14:09 ] 470円
唔駛半小時車程, 好快到達 [ 日司 ] ~
一場來到 [ 積丹半島 ], 唔食過海膽, 都對唔住大家, 今朝一直留肚留到依家, 唔食返夠本, 誓不離場 ~
每當 6 - 8 月, 就係海膽當造期, 位於北海道的 [ 積丹半島 ] 海膽產量及質素眾所周知, 所以今次食得豪少少亦在所不計 ~
出發前搵咗好多資料及網民食後報告, 再睇埋日本國內食評評分, 最後選定 [ 中村屋 ], 貪其交通方便, 有巴士可以直達及海膽質素有保證 ~
[ 中村屋 ] 就在巴士駅附近, 絕不難找, 雖然當日不是假日, 已是下午兩點多, 但特意前來幫襯的顧客亦不少 ~
店員安排我哋入座一個空間較大的榻榻米房, 見到牆上貼有那個一日五食的限量 Special 海膽丼 (4000円), 馬上向店員查問一下, 但店員還是給我一個令眾人失望的答案 ~
唔講你地唔知, 其實這碗限定 Special 海膽丼也是我哋今次選擇這間餐廳的主要原因之一, 無法子啦, 預咗咁晏嚟到, 都打定輸數, 唯有轉移目標, 向其他人氣的積丹海膽料理埋手啦 ~
最終我哋五個人, 點了三客馬糞海膽丼 (@3200円) 及兩客限定十食的海膽丼套餐 (@3000円), 打算互相 share 食, 一次過可以嚐盡兩款極品海膽 ~
這款是一日限定十食的海膽丼套餐, 海膽丼是選用了 [ 北紫海膽 ], 再加上三粒原隻海膽比你玩下 ~
原隻海膽其實真係唔好玩, 要將海膽乾乾淨淨挑出來, 確實唔容易, 仲要挑出來的海膽賣相又肉酸, 下次一定唔會再柯打 ~
講到 [ 北紫海膽 ] 雖然人氣唔及 [ 馬糞海膽 ], 但味道相當唔錯, 清甜味美, 真係估唔到當造可以咁好味 ~
今次主角終於出場, 橙紅色的 [ 馬糞海膽 ] 堆得滿滿, 入口即溶, 味道比 [ 北紫海膽 ] 更加濃烈, 望住碗海膽其實都唔係好捨食落肚架 ~
兩款都食過, 首次品嚐到 [ 馬糞海膽], 確實有點驚喜, 但以個人口味而言, 其實我較喜歡當日清甜味美的 [ 北紫海膽 ], 係咪出乎意料之外呢 ~
注意注意 : 記住列印 [ 中村屋 ] 網頁, 可作 Coupon 使用, 有 5% 飲食折扣.
今餐食咗成粒鐘, 不過大部份時間都為咗幫碗海膽丼影相, 好在座位隣近並無其他客人, 唔會騷擾到人, 雖然仲有半小時巴士先到, 但我哋都唔好意思繼續坐係餐廳, 結帳離開出去外面望下風景及等車 ~
等車期間, 我仲見到長期高據積丹半島海膽丼食評排行榜第一位的 [ みさき ], 原來就係巴士駅隔離, 最衰之前一直搵料都無提及該店所在位置, 仲以為揸車先至嚟到, 若有機會下次再來, 一定會去呢間試試 ~
巴士又遲咗幾分鐘埋駅, 返回小樽車程大約兩小時, 直達 [ 小樽駅前 ] 下車, 呢程又有覺好睏啦 ~
北海道中央巴士- 積丹線21号 [ 日司 15:37 ( 15:41 ) ...... 小樽駅前 17:29 ( 17:35 ) ] 1520円
續 ~
沒有留言:
發佈留言