2012英倫 Day 2.1 - Stonehenge @Wiltshire UK

 

27 May 2012 (Sun)

London Paddington 8:00 - Bath Spa 9:35

今日早上景點係今次旅程最最最最想去地方的第一位 - Stonehenge 巨石陣。

再講多次，話咗今日行程緊湊，交通安排簡直係一個緊接一個，已下令各團友行動要迅速，否則後果自負。

比大家有個心理預準，首先交代一下今日交通安排 :
早上由 Apartment 坐巴士出發，再轉 2 程 Underground 直達 Paddington 火車站，再坐一個半小時火車去 Bath，再接 Scarper Tours (全程三小時) 前往 Stonehenge，再原車回到 Bath，繼續市內觀光，並安排 19:13 坐火車返 London，再轉 Underground 回到 Apartment。

之所以要搞到要坐巴士，咪就係因為咁啱撞正地鐵暫時關閉，亦係今次倫敦唯一一次巴士體驗。

就係呢程巴士，搞到我哋要雞啼咁早起身，無計啦， 又驚巴士唔準時，又擔心會塞車，唔倒塔咁早起身都唔得啦。

最終巴士準時埋站，亦準時到達下個交通點 - Euston Square。

走到地鐵站入口，又被嚇倒，點解地鐵仲未開門架 ? 唔會又暫停服務嘛 ? 誓估唔到之前一直無擔心過嘅事情，居然發生係面前。。。

都話今日唔準遲，正在焦急之際，喜見站內有人出現，點解會有個人係入面出現，超奇怪？！

隔着一道厚厚的落地玻璃，都想跟對方查問，最後先知道原來該地鐵站要等到早上 7:00 先至開門，聽到呢番話，個心當堂定晒。

 

轉咗兩程地鐵，安全到達 Paddington 火車站，總鬆口氣。

 

如果想用最抵價乘搭這個班次，咁就一定要預早係網上碰碰運氣，今次我哋真係好好彩，每程只需@£9.5 (Advance Single)，確實超抵。

火車票早於兩個半月前經網上訂好，去到火車站驚死唔夠時間，二話不說立即走到 Self-Service Ticket Machine 取票。

 

 

換好車票還剩時間，終於可以慢慢咁周圍行下，睇下，影下。

不過，行到咁上下，都係搵返個月台先。

 

終於等到火車埋站，大家走入車廂，搵返自己個靚位，唔好坐錯，因為訂票時已經係網上揀好座位。

 

坐咗大約一個半小時，火車準時到達，終於可以跟這個極負盛名的世界遺產 Bath 打個招呼啦。

 

Scarper Tours (全程三小時) : Bath 10:00 - Stonehenge 10:55

接着，只有廿零分鐘由火車站走到市中心下一個集合地點。

依照地圖指示位置，Scarper Tours 的集合處就在 Bath Abbey 對出，等咗一陣，終於見到呢架紫色戰車，打後三小時靠晒你啦，唔該。

 

首先來個點名，呢團好爆，全車 24 位坐滿，想搵個吉位都無，慶幸早在三月已在網上報名預留坐位。否則。。。真係後果自負。

除咗我哋一行六位香港人外，隔離仲見有幾位台灣朋友，有點親切感。

佩服司機哥哥一人分飾幾角，全程一手包辦，包括點名，講解，景點介紹，購買入場門票，收團費等等，真係好利害。

可惜全程都係一口流利英文，聽唔明咪索性望下四圍風景，加上今日太早起身，搞到個個團友半路中途都頂唔住開始大覺訓，不過，又真係幾好訓架。

係網上得知，一小時車程，會駛至經常有麥田圈 (Crop Circle in Wiltshire) 出現過的地方，仲會見到山破上刻有 200 多年歷史的白馬圖 (The White Horse of Wiltshire)，好似仲有其他古蹟遺址，不過我都唔係太過記得啦。

雖則跟麥田圈緣慳一面，至少我都見到一隻白馬圖咁大把，哈哈哈。

訓咗半程車，終於到達另一個世界遺產，大家期待以久的 Stonehenge 就在見前。

 

 

當日太陽好猛，遊客唔係想像中咁多，一小時絕對足夠時間比我哋慢慢影，慢慢睇。

 

 

我們索性以 360 度繞住整個巨石陣行咗一圈，每個角度都要影張相留作紀念，十分滿足。

 

 

 

 

睇完 leaflet 介紹，先知道原來巨石陣四周範圍內的每一塊石頭都有一個名稱，真係估佢唔到~

下圖前面正中叫做 Station Stone，Station ??? 確實難以想像~

 

 

下圖正中有四塊石頂住那條長石，又有名堂，叫做什麼 Circle of Sarsen Stones with Lintels，呢個名好長~

前面扒係地上那塊又叫做 Slaughter Stone，又唔知有咩意思 ?

 

 

仲有好近我哋呢塊叫 Heel Stone，乜似咩？

 

唔驚唔覺，咁就過咗一個鐘，開始準備回程上返車，不過。臨走都要博命影多幾張至肯離開。

於巨石陣的另一邊草地，見到有好多羊係到食草，望過去景觀都相當唔錯，好舒服。

離開時先至發現有張原形繪圖，可以見到未破壞前巨石陣的整個外觀，乜原來係咁架 !

都係一個老問題：始於唔明史前人類係點樣搬運呢堆巨型石頭到呢到 ?

大家臨走都要買支雪糕來解解暑，咁先至稱得上係完美句號，大滿足~

走到車前，司機哥哥終於出手收取團費，仲諗住佢一開始會收，點不知最尾先肯收。

團費每位成人 £15 + Stonehenge 入場費 £7.8 = £22.8 (這個價錢相當超值~)

完成首個景點，又要坐返一小時車程返回 Bath，戰車開動不久，成團人又開始訓到大昏迷啦 ZZZzzz

＊＊＊＊＊

仲有仲有, 返到 Bath 記得一定要問司機哥哥每人拎張 PROOF OF TRAVEL CARD，去 Roman Baths Museum 可享有 9 折優惠，記住係每人一張，計人頭架。

註 : 呢張咭其實一早已經放咗係車門附近，一上車已經可以見到，任人取閱，到時大家醒少少啦~