2013日本東北Day3.2 - 食在盛岡@一風堂

2013年4月24日 (水) 12 - 13°C

 

 

巴士駛回「盛岡駅前」，雨勢未減，團友決定先折返酒店避避風頭，回到房間又繼續上網，打算雨勢減弱時再次出擊，不過一直未見氣色， 搞到原先安排既市內觀光及瘋狂購物都要完全腰斬，唯有乖乖等到晚飯時間再睇情況～

眾所周知「盛岡」最出名係 「盛岡冷麵」，但溫度天氣令團友卻步，由於事出突然手上又沒有其他準備，唯有立即上網搵下有咩選擇，結果發現市中心有間拉麵食評唔錯，團友一致贊成，馬上起行～

 

走到街頭才知雨勢不弱，團友都拿出雨具作好裝備，沿着眼遮頭衝向市中心，估唔到衝咗十多步就見到「一風堂」幾隻大字，簡直眼前一亮當堂醒晒，所以不作他選，馬上衝入拉麵店解決～

 

原來「一風堂」就在酒店隔離，可能天雨影響食客不多，放低雨具隨即入座，團友點餐完畢又開始補水，一大壺冰茶擺在眼前，這是團友最愛的恩物，不用客氣吧～

 

 

冰茶唔啱我口味，反而枱上的配菜簡直一見傾心，每次都大量喪加，食到滿足為止～

 

 

侍應先送上餃子，這是團友必點的小食，喜愛的程度正好似白粥遇上油炸鬼一樣，唔叫唔得～

 

 

團友額外追加一份黑木耳絲，散叫份量亦不遜色，賣相不錯～

 

 

主角終於上場，正宗九州超濃豬骨湯底配上個人極喜愛的幼身麵條，凍冰冰既時候遇上一碗熱辣辣拉麵，團友實在太幸福了～

  

白丸元味 680円

 

整碗拉麵質素在水準以上，記得上次在日吃過的已經係 N 年前在「大阪」，當時還未知這店的人氣，見到人排我排，排咗好耐先食到，仲記得坐在對面那位「瀛男」連湯底都掃得一乾二淨，真係嚇親，今次再度重溫，味道依然，處於天寒地凍外出下着雨的惡劣情況下，食到一碗超正的拉麵真係好鬼感動～

 

 

餐後走咗去酒店附近的便利店尋寶，睇下有無額外收穫，可惜便利店規模唔大，求其買咗罐無酒精成份的生啤返酒店歎下，但味道麻麻～

 

 

分享一張「一風堂」外觀相片，右邊正是今次入住的酒店，估唔到咁近，好彩無錯過，否則走寶了～

  

相片來源 : Google Map